Englishहिन्दीಕನ್ನಡമലയാളംతెలుగు

டுவென்டி20 உலக கோப்பை: வெற்றியுடன் துவக்குமா இந்தியா? இன்று ஆப்கானிஸ்தானுடன் மோதல்

Posted by:
Published: Wednesday, September 19, 2012, 10:48 [IST]
 

கொழும்பு: டுவென்டி20 உலக கோப்பை கிரிக்கெட் தொடரில் இன்று நடைபெற உள்ள லீக் போட்டியில் இந்தியா, கத்துக்குட்டி அணியான ஆப்கானிஸ்தானை எதிர்கொள்கிறது. எனவே இந்தியா இன்று சிறப்பாக செயல்பட்டு எளிதாக வெற்றி பெறும் என்று எதிர்பார்க்கப்படுகிறது.

டுவென்டி20 உலக கோப்பை: வெற்றியுடன் துவக்குமா இந்தியா? இன்று ஆப்கானிஸ்தானுடன் மோதல்
டுவென்டி20 உலக கோப்பை கிரிக்கெட் தொடர் நேற்று இலங்கையில் துவங்கியது. இதில் பங்கேற்கும் 12 அணிகள், 4 பிரிவுகளாக பிரிக்கப்பட்டு லீக் போட்டிகளில் பங்கேற்க உள்ளன. இதில் ஏ பிரிவில் இந்தியா, இங்கிலாந்து, ஆப்கானிஸ்தான் அணிகள் இடம் பெற்றுள்ளன. இதில் இன்று நடைபெற உள்ள லீக் போட்டியில் இந்தியா, ஆப்கானிஸ்தான் அணிகள் மோத உள்ளன. அனுபவம் குறைந்த கத்துக்குட்டி அணியான ஆப்கானிஸ்தானை, இன்று எளிதாக இந்தியா வீழ்த்தும் என்று ரசிகர்கள் எதிர்பார்க்கின்றனர்.

இந்திய அணி:

இந்திய அணியை பொறுத்த வரை பேட்டிங் வரிசை சிறப்பாக உள்ளது. கம்பிர், ஷேவாக், சுரேஷ் ரெய்னா, விராத் கோஹ்லி, யுவராஜ் சிங், டோணி ஆகியோர் அதிரடியாக ஆடும் தன்மை கொண்டவர்கள். ஆனால் பயி்ற்சி போட்டிகளில் ஏமாற்றிய கம்பிர் இன்றைய லீக் போட்டியில் எழுச்சி காண வேண்டியுள்ளது. மேலும் பேட்டிங்கில் சொதப்பி வந்த ரோஹித் சர்மா, பார்மிற்கு திரும்பியிருப்பது கூடுதல் பலம்.

இந்திய அணியில் பந்துவீச்சில் பின்னடைவு ஏற்பட்டுள்ளது. பாகிஸ்தானுக்கு எதிரான பயிற்சி போட்டியில் ஹர்பஜன் சிங்கின் பந்துவீச்சு எடுபடவில்லை. ஆனால் அஸ்வின் பயிற்சி போட்டியில் சிறப்பாக ஆடினார். இதனால் இன்று அஸ்வினுக்கு அணியில் வாய்ப்பு அளிக்கப்படலாம் என்று எதிர்பார்க்கப்படுகிறது. வேகப்பந்துவீ்ச்சாளர்களான ஜாகிர் கான், இர்பான் பதான் ஆகியோர் ரன்களை வாரி வழங்குவதை, இன்றைய போட்டியில் தவிர்க்க வேண்டும்.

ஆப்கானிஸ்தான்:

இதுவரை சர்வதேச அளவிலான 11 டுவென்டி20 போட்டிகளில் ஆப்கானிஸ்தான் அணி பங்கேற்று உள்ளது. இதில் 6 போட்டிகளில் வெற்றி பெற்றுள்ளது. மேலும் கத்துக்குட்டி அணியான ஆப்கானிஸ்தான், பயிற்சி போட்டியில் இலங்கை ஏ அணியை வீழ்த்தியுள்ளது.

டுவென்டி20 போட்டி என்பது இரு அணிகளில் யாருக்கு வேண்டுமானாலும் சாதகமாக அமையலாம். எனவே இந்தியாவிற்கு எதிரான இன்றைய போட்டியில் முழுதிறமை வெளிப்படுத்தினால், ஆப்கானிஸ்தான் வெற்றி பெற கூட வாய்ப்புள்ளது.

பயிற்சி போட்டியில் பேட்டிங்கில் அசத்திய முஹம்மது ஷசாத், முஹம்மது நபி, ஸ்டானிக்ஜாய் ஆகியோர் இன்றைய போட்டியிலும் சிறப்பாக ஆடலாம் என்று எதிர்பார்க்கப்படுகிறது. பந்துவீச்சில் நஜிபுல்லா ஜட்ரான், முஹம்மது நபி, முகமது நசிம், சமியுல்லா ஷென்வாரி ஆகியோர் நம்பிக்கை அளிக்கின்றனர்.

இந்தியா, ஆப்கானிஸ்தான் அணிகளுக்கு இடையிலான இன்றைய போட்டி இரவு 7.30 மணிக்கு துவங்க உள்ளது.

English summary
India will launch their ICC World Twenty20 2012 campaign on Wednesday against Afghanistan at the R Premadasa Stadium under lights.
கருத்தை எழுதுங்கள்