Englishहिन्दीಕನ್ನಡമലയാളംతెలుగు

டுவென்டி20 ரேங்கிங்: 3வது இடத்திற்கு தாவியது இந்தியா-தென்ஆப்பிரிக்கா 'நம்பர் ஒன்'

Posted by:
Published: Thursday, September 27, 2012, 10:11 [IST]
 

துபாய்: சர்வதேச கிரிக்கெட் வாரியத்தின்(ஐசிசி) டுவென்டி20 கிரிக்கெட் போட்டிகளுக்கான தரவரிசை பட்டியலில் இந்திய அணி 3வது இடத்திற்கு முன்னேறி உள்ளது. தென் ஆப்பிரிக்கா, பட்டியலின் முதலிடத்தை பிடித்துள்ளது.

சர்வதேச கிரிக்கெட் போட்டிகளில் அணிகளின் வெற்றி, தோல்விகளை பொறுத்து ஐசிசி அவ்வப்போது அணிகளின் தரவரிசையை வெளியிடுகிறது. இதில் சர்வதேச டுவென்டி20 போட்டியில் சிறந்து விளங்கும் அணிகளுக்கான தரவரிசைப்பட்டியலை ஐசிசி கொழும்புவில் நேற்று வெளியிட்டது.

டுவென்டி20 ரேங்கிங்: 3வது இடத்திற்கு தாவியது இந்தியா-தென்ஆப்பிரிக்கா 'நம்பர் ஒன்'

இதில் இந்திய அணி 7வது இடத்தில் இருந்து, 4 இடங்கள் முன்னேறி 3வது இடத்திற்கு வந்துள்ளது. இலங்கையில் நடைபெறும் டுவென்டி20 உலக கோப்பை தொடரில், ஆப்கான்ஸ்தான் மற்றும் நடப்பு சாம்பியன் இங்கிலாந்து ஆகிய அணிகள் வீழ்த்தியதே, இந்திய அணியின் இந்த முன்னேற்றத்திற்கு காரணம்.

தரவரிசைப்பட்டியலின் முதலிடத்திற்கு தென் ஆப்பிரிக்கா முன்னேறியுள்ளது. இதனால் முதலிடத்தில் இருந்த நடப்பு சாம்பியன் இங்கிலாந்து, 2வது இடத்திற்கு தள்ளப்பட்டுள்ளது. இலங்கை அணி ஒரு இடம் சரிந்து 4வது இடத்தில் உள்ளது. பாகிஸ்தான் 5வது இடத்தை பிடித்துள்ளது. அதன்பிறகு நியூசிலாந்து, ஆஸ்திரேலியா, மேற்கிந்திய தீவுகள், வங்கதேசம் ஆகிய அணிகள் அடுத்தடுத்த இடங்களை பிடித்துள்ளன.

பேட்ஸ்மேன்கள் ரேங்கிங்:

பேட்ஸ்மேன்களுக்கான தரவரிசையில் டாப்-10 பேர் வரிசையில் இடம் பெற்றுள்ள ஒரே இந்திய வீரர் சுரேஷ் ரெய்னா மட்டுமே. தரவரிசையில் 2 இடங்கள் சரிந்தாலும் ரெய்னா 5வது இடத்தில் உள்ளார். கம்பிர் 3 இடங்கள் முன்னேறி 13வது இடத்தை பிடித்துள்ளார். யுவராஜ் சிங் 15வது இடத்திலும், விராத் கோஹ்லி 10 இடங்கள் முன்னேறி 19வது இடத்தில் உள்ளனர்.

பேட்ஸ்மேன்களின் தரவரிசையில் நியூசிலாந்தின் பிரண்டன் மெக்கல்லம் உள்ளார். அவரை தொடர்ந்து மேற்கிந்திய தீவுகள் அதிரடி வீரர் கிறிஸ் கெய்ல் 2வது இடத்தில் உள்ளார். 4 இடங்கள் முன்னேறிய ஆஸ்திரேலிய வீரர் ஷேன் வாட்சன் 3வது இடத்தை பிடித்துள்ளார்.

பந்துவீச்சாளர்கள் ரேங்கிங்:

பந்துவீச்சாளர்களின் தரவரிசையில் டாப்-10 வீரர்களில் இந்தியர்கள் யாரும் இடம் பெறவில்லை. பாகிஸ்தான் வீரர் சயீது அஜ்மல் முதலிடத்திலும், இங்கிலாந்தின் கிராம் சுவன் 2வது இடத்திலும் உள்ளனர். இலங்கை வீரர் அஜந்தா மென்டிஸ் 3வது இடத்தில் உள்ளார்.

இங்கிலாந்திற்கு எதிரான போட்டியில் சிறப்பாக பந்துவீசி 4 விக்கெட்களை வீழ்த்திய இந்திய சுழல்பந்துவீச்சாளர் ஹர்பஜன் சிங் 5 இடங்கள் முன்னேறி 17வது இடத்தை பிடித்துள்ளார். இர்பான் பதான் 23வது இடம் பிடித்துள்ளார்.

ஆல் ரவுண்டர்கள்:

சர்வதேச போட்டிகளில் ஆல் ரவுண்டராக ஜொலித்து வரும் ஆஸ்திரேலியாவின் ஷேன் வாட்சன் தொடர்ந்து முதலிடத்தை தக்க வைத்துள்ளார். பாகிஸ்தான் கேப்டன் முஹம்மது ஹபீஸ் 2வது இடத்தை பிடித்துள்ளார். இதனால் 2வது இடத்தில் இருந்து பாகிஸ்தான் வீரர் ஷாகித் அப்ரிதி 3வது இடத்திற்கு சரிந்துள்ளார். வங்கதேச வீரர் சாகிப் அல் ஹசன் 5வது இடத்தில் உள்ளார்.

English summary
Riding on their huge win over England in the group stages of the ongoing ICC World Twenty20 in Sri Lanka, India jumped four places to claim the third position in the Reliance ICC T20 Championship table.
கருத்தை எழுதுங்கள்