Englishहिन्दीಕನ್ನಡമലയാളംతెలుగు

20 ஓவர் உலகக் கோப்பை கிரிக்கெட்- வெல்லப் போவது இலங்கையா? மேற்கிந்திய தீவுகளா?

Posted by:
Updated: Sunday, October 7, 2012, 11:26 [IST]
 

கொழும்பு: 20 ஓவர் உலகக் கோப்பை கிரிக்கெட் போட்டியின் இறுதிப் போட்டியில் மேற்கிந்திய தீவுகள் அணியும் இலங்கை அணியும் இன்று மோதுகின்றன.

20 ஓவர் உலகக் கோப்பை கிரிக்கெட்- வெல்லப் போவது இலங்கையா? மேற்கிந்திய தீவுகளா?
மேற்கிந்திய தீவுகள் அணியைப் பொறுத்தவரையில் கிறிஸ் கெயிலின் அதிரடியைத்தான் அனைவரும் ஆவலுடன் எதிர்பார்த்திருக்கின்றனர். ஆஸ்திரேலியாவுக்கு எதிரான அரை இறுதிப் போட்டியில் 41 பந்துகளில் 75 ரன்களை எடுத்து அசத்தியவர் கிறிஸ் கெயில். நடப்பு போட்டித் தொடரில் மொத்தம் 16 சிக்சர்களை அடித்து நம்பர் 1 இடத்தில் இருக்கிறார் கெய்ல். இன்றைய போட்டியிலும் கெயிலின் அதிரடி ஆட்டம் தொடர்ந்தால் இலங்கை அணி சிதறிவிடும். மேற்கிந்திய தீவுகள் அணியில் சாமுவேல்ஸ், பொல்லார்டு, பிராவோ போன்ற அதிரடி ஆட்டக்காரர்களும் இருக்கின்றனர்.

இலங்கை அணியின் சுழற்பந்து வீச்சு அபாரம்! மேற்கிந்திய தீவுகள் அணியின் பேட்டிங்கோ அபாரம்! இலங்கை அணியில் ஜெயவர்த்தனே, தில்சா, சங்ககாரா ஆகியோர் சூப்பர் பார்மில் இருக்கின்றனர்.

இலங்கை அணி ஒருநாள் போட்டிக்கான உலக கோப்பையை 1996-ம் ஆண்டு கைப்பற்றியது. அதன்பிறகு அந்த அணி 2007, 2011 உலக கோப்பை இறுதிப்போட்டி வரை வந்து தோற்றது. 20 ஓவர் உலக கோப்பையில் 2009-ம் ஆண்டு இறுதிப்போட்டியில் தோற்றது. இதனால் எப்படியும் இந்த முறை கோப்பை தங்களுக்கே என்று நம்பிக்கையோடு இருக்கிறது இலங்கை.

Read more about: cricket, gayle
Story first published:  Sunday, October 7, 2012, 11:25 [IST]
English summary
Sri Lanka, beaten in each of their last three World Cup one-day finals, need to counter the muscular power of Chris Gayle and his big-hitting West Indies' team mates if they are to win Sunday's World Twenty20 final.
கருத்தை எழுதுங்கள்